A agricultura biodinámica:
A Agricultura Biodinámica é outro tipo de agricultura alternativa. Tenta obter alimentos mediante prácticas que aseguren a biodiversidade e a conservación do chan e do resto de recursos naturais a longo prazo. O método biodinámico busca a exaltación das forzas vitais naturais, como a fertilidade do chan ou a propiedades beneficiosas de moitos produtos naturais. O obxectivo final é conseguir unha agricultura con orientación ecolóxica: que desenvolva os principios de diversificación, reciclaxe, exclusión de produtos químicos e produción descentralizada, é dicir, unha produción, distribución e venda local dos alimentos, e non a produción globalizada e industrial á que estamos afeitos.